Ukatili wa Kijinsia

Ukatili wa Kijinsia ni nini?

Ukatili wa kijinsia ni ukatili wowote unaoelekezwa kwa mtu kwa sababu ya jinsia yake. Aina hii ya ukatili huathiri zaidi wanawake na wasichana, lakini inaweza kuathiri mtu yeyote. Huitwa pia ukatili dhidi ya wanawake.

Ukatili wa kijinsia ni tatizo kubwa la kijamii na ni la kawaida zaidi kuliko unavyoweza kufikiria. Nchini Australia, mwanamke mmoja kati ya wanawake watatu wahamiaji na wakimbizi wamepitia aina fulani ya unyanyasaji wa nyumbani na familia.

Ukatili wa kijinsia ni tatizo kubwa kwa sababu huathiri watu binafsi na jamii kwa ujumla. Kuuelewa ni muhimu katika kujilinda wewe mwenyewe na wengine. Kwa kujua haki zako na kutafuta usaidizi, unaweza kusaidia kukomesha vurugu hii na kuhakikisha usalama kwa kila mtu.

Nchini Australia ni muhimu kukumbuka kuwa:

• Una haki ya kuishi bila woga wala unyanyasaji.
• Ukatili wa kijinsia kamwe siyo kosa lako .
• Msaada unapatikana, na hauko peke yako.

Athari ya Ukatili wa Kijinsia

Wanawake na wasichana ndio waathirika wakuu wa ukatili wa kijinsia, lakini pia hudhuru familia, jumuiya, na jamii nzima. Inakadiriwa kuwa ukatili dhidi ya wanawake na watoto unagharimu nchi ya Australia $26 billion kila mwaka.

Ukatili wa kijinsia unaweza kuathiri watu kutoka asili na tamaduni zote. Unaweza kujumuisha unyanyasaji wa nyumbani na familia, ukatili wa kingono, udhibiti wa kulazimisha, na zaidi.

Aina za Ukatili wa Kijinsia

Ukatili wa kijinsia unaweza kuwa wa aini nyingi, ikiwa ni pamoja na: 

• Unyanyasaji wa kimwili: Kupiga, kupiga makofi, au aina yoyote ya madhara ya kimwili.
• Unyanyasaji wa Kisaikolojia: Matusi, vitisho na utawala wa udanganyifu.
• Unyanyasaji wa Kifedha: Kudhibiti au kuiba pesa na rasilimali.
• Unyanyasaji wa Kijamii: Kumtenga mtu kutoka kwa marafiki na familia.
• Unyanyasaji wa Kihisia: Kuumiza hisia za mtu au kujithamini kwake.
• Unyanyasaji wa Kiroho: Kutumia dini au imani za kudhibiti mtu.
• Unyanyasaji wa Kitamaduni: Kutumia mazoea ya kitamaduni kumdhuru au kudhibiti mtu.

Kupata Msaada

Ikiwa wewe au mtu unayemfahamu amewahi kufanyiwa ukatili wa kijinsia, kumbuka sio kosa lako au lake. Hakuna kinachohalalisha vurugu hii. Msaada unapatikana.

1800RESPECT: Piga simu kwa 1800 737 732 kwa msaada na ushauri wa siri.

Unaweza kuwasiliana na Support for Trafficked People Program kwa 03 9345 1800 au kwa national_STPP@redcross.org.au

Unaweza kuwasiliana na Australian Federal Police kwa 131 237 au enda kwa tovuti ya AFP.

Huduma za Msaada wa Kisheria: Hutoa ushauri wa kisheria na msaada. Wanaweza kueleza haki zako na kukusaidia na masuala ya kisheria. Unaweza kuwasiliana na msaada wa kisheria katika jimbo lako au wilaya yako kwa hapa.

Kwa habari zaidi na usaidizi, tembelea Ukurasa wetu wa Huduma za Usaidizi.