ਬਾਲ ਜਿਨਸੀ ਸ਼ੋਸ਼ਣ

ਬਾਲ ਜਿਨਸੀ ਸ਼ੋਸ਼ਣ ਕੀ ਹੁੰਦਾ ਹੈ?

ਬਾਲ ਜਿਨਸੀ ਸ਼ੋਸ਼ਣ ਕਿਸੇ ਵੀ ਬੱਚੇ ਨਾਲ ਕੀਤੀ ਗਈ ਕੋਈ ਵੀ ਕਾਮੁਕ ਗਤੀਵਿਧੀ ਹੈ। ਇਸ ਵਿੱਚ ਛੂਹਣਾ, ਚੁੰਮਣਾ, ਜਾਂ ਹੋਰ ਕੋਈ ਵੀ ਕਾਮੁਕ ਵਤੀਰਾ ਸ਼ਾਮਿਲ ਹੋ ਸਕਦਾ ਹੈ। ਇਹ ਇੱਕ ਗੰਭੀਰ ਅਪਰਾਧ ਹੈ ਅਤੇ ਇਹ ਕਿਸੇ ਵੀ ਉਮਰ, ਲਿੰਗ, ਜਾਂ ਪਿਛੋਕੜ ਦੇ ਬੱਚੇ ਨਾਲ ਹੋ ਸਕਦਾ ਹੈ।

ਆਸਟ੍ਰੇਲੀਆ ਵਿੱਚ, ਬਾਲ ਜਿਨਸੀ ਸ਼ੋਸ਼ਣ ਇੱਕ ਗੰਭੀਰ ਅਪਰਾਧ ਹੈ। ਤੁਸੀਂ ਪੁਲਿਸ ਜਾਂ ਬਾਲ ਸੁਰੱਖਿਆ ਸੇਵਾਵਾਂ ਨੂੰ ਇਸਦੀ ਰਿਪੋਰਟ ਕਰ ਸਕਦੇ ਹੋ। ਕਾਨੂੰਨ ਬੱਚਿਆਂ ਦੀ ਸੁਰੱਖਿਆ ਕਰਨ ਅਤੇ ਇਹ ਯਕੀਨੀ ਬਣਾਉਣ ਲਈ ਤਿਆਰ ਕੀਤਾ ਗਿਆ ਹੈ ਕਿ ਸ਼ੋਸ਼ਣ ਕਰਨ ਵਾਲਿਆਂ ਨੂੰ ਜਵਾਬਦੇਹ ਠਹਿਰਾਇਆ ਜਾਵੇ। ਬੱਚਾ ਕਦੇ ਵੀ ਕਿਸੇ ਕਾਮੁਕ ਗਤੀਵਿਧੀ ਲਈ ਸਹਿਮਤੀ ਨਹੀਂ ਦੇ ਸਕਦਾ ਹੈ।

ਬਾਲ ਜਿਨਸੀ ਸ਼ੋਸ਼ਣ ਇੱਕ ਗੰਭੀਰ ਸਮੱਸਿਆ ਹੈ ਕਿਉਂਕਿ ਇਹ ਬੱਚਿਆਂ ਨੂੰ ਹਮੇਸ਼ਾ ਰਹਿਣ ਵਾਲਾ ਨੁਕਸਾਨ ਪਹੁੰਚਾਉਂਦਾ ਹੈ। ਇਹ ਸਮਝਣਾ ਕਿ ਬਾਲ ਜਿਨਸੀ ਸ਼ੋਸ਼ਣ ਕੀ ਹੈ ਅਤੇ ਮੱਦਦ ਕਿਵੇਂ ਪ੍ਰਾਪਤ ਕਰਨੀ ਹੈ, ਬੱਚਿਆਂ ਦੀ ਸੁਰੱਖਿਆ ਕਰਨ ਅਤੇ ਉਨ੍ਹਾਂ ਦੀ ਸੁਰੱਖਿਆ ਅਤੇ ਭਲਾਈ ਨੂੰ ਯਕੀਨੀ ਬਣਾਉਣ ਲਈ ਮਹੱਤਵਪੂਰਨ ਹੈ। ਆਪਣੇ ਅਧਿਕਾਰਾਂ ਨੂੰ ਜਾਣ ਕੇ ਅਤੇ ਸਹਾਇਤਾ ਦੀ ਮੰਗ ਕਰਕੇ, ਤੁਸੀਂ ਇਸ ਸ਼ੋਸ਼ਣ ਨੂੰ ਖ਼ਤਮ ਕਰਨ ਅਤੇ ਸਾਰੇ ਬੱਚਿਆਂ ਲਈ ਇੱਕ ਸੁਰੱਖਿਅਤ ਮਾਹੌਲ ਪ੍ਰਦਾਨ ਕਰਨ ਵਿੱਚ ਮੱਦਦ ਕਰ ਸਕਦੇ ਹੋ।

ਬਾਲ ਜਿਨਸੀ ਸ਼ੋਸ਼ਣ ਇੱਕ ਗੰਭੀਰ ਸਮੱਸਿਆ ਹੈ। ਆਸਟ੍ਰੇਲੀਆ ਵਿੱਚ:

• ਬੱਚਿਆਂ ਨੂੰ ਨੁਕਸਾਨ ਤੋਂ ਸੁਰੱਖਿਅਤ ਰਹਿਣ ਅਤੇ ਸੁਰੱਖਿਅਤ ਕੀਤੇ ਜਾਣ ਦਾ ਅਧਿਕਾਰ ਹੈ।
• ਬਾਲ ਜਿਨਸੀ ਸ਼ੋਸ਼ਣ ਕਦੇ ਵੀ ਬੱਚੇ ਦੀ ਗ਼ਲਤੀ ਨਹੀਂ ਹੁੰਦਾ ਹੈ, ਅਤੇ ਉਹਨਾਂ ਨੂੰ ਇਸ ਗੱਲ ਦਾ ਭਰੋਸਾ ਦਿਵਾਉਣਾ ਮਹੱਤਵਪੂਰਨ ਹੁੰਦਾ ਹੈ।
• ਮੱਦਦ ਉਪਲਬਧ ਹੈ, ਅਤੇ ਤੁਸੀਂ ਅਤੇ ਤੁਹਾਡਾ ਬੱਚਾ ਇਕੱਲੇ ਨਹੀਂ ਹੋ।

ਬਾਲ ਜਿਨਸੀ ਸ਼ੋਸ਼ਣ ਦੇ ਰੂਪ

ਬਾਲ ਜਿਨਸੀ ਸ਼ੋਸ਼ਣ ਕਈ ਤਰੀਕਿਆਂ ਨਾਲ ਹੋ ਸਕਦਾ ਹੈ। ਇੱਥੇ ਇਸਦੀਆਂ ਕੁੱਝ ਉਦਾਹਰਨਾਂ ਹਨ:

• ਛੂਹਣਾ: ਬੱਚੇ ਨਾਲ ਕਿਸੇ ਵੀ ਪ੍ਰਕਾਰ ਦਾ ਕਾਮੁਕ ਸੰਪਰਕ ਜਾਂ ਪਿਆਰ-ਦੁਲਾਰ ਕਰਨਾ।
• ਚੁੰਮਣਾ: ਇੱਕ ਬੱਚੇ ਨੂੰ ਕਾਮੁਕ ਤਰੀਕੇ ਨਾਲ ਚੁੰਮਣਾ।
• ਐਕਸਪੋਜ਼ਰ: ਬੱਚੇ ਨੂੰ ਕਾਮੁਕ ਤਸਵੀਰਾਂ ਦਿਖਾਉਣਾ ਜਾਂ ਉਹਨਾਂ ਨੂੰ ਕਾਮੁਕ ਕਿਰਿਆਵਾਂ ਦੇਖਣ ਲਈ ਮਜ਼ਬੂਰ ਕਰਨਾ।
• ਸ਼ੋਸ਼ਣ: ਜਿਨਸੀ ਤਸਵੀਰਾਂ ਜਾਂ ਵੀਡੀਓ ਬਣਾਉਣ ਲਈ ਬੱਚੇ ਦੀ ਵਰਤੋਂ ਕਰਨਾ।
• ਜ਼ਬਰਦਸਤੀ: ਕਿਸੇ ਬੱਚੇ ਨੂੰ ਜਿਨਸੀ ਗਤੀਵਿਧੀਆਂ ਵਿੱਚ ਸ਼ਾਮਿਲ ਹੋਣ ਲਈ ਮਜ਼ਬੂਰ ਕਰਨਾ ਜਾਂ ਹੇਰਾਫੇਰੀ ਕਰਨਾ।

ਬਾਲ ਜਿਨਸੀ ਸ਼ੋਸ਼ਣ ਕਿੱਥੇ-ਕਿੱਥੇ ਹੋ ਸਕਦਾ ਹੈ?

ਬਾਲ ਜਿਨਸੀ ਸ਼ੋਸ਼ਣ ਕਿਤੇ ਵੀ ਹੋ ਸਕਦਾ ਹੈ। ਇੱਥੇ ਇਸਦੇ ਹੋਣ ਦੀਆਂ ਕੁੱਝ ਆਮ ਥਾਂਵਾਂ ਹਨ:

• ਘਰ: ਪਰਿਵਾਰਕ ਮੈਂਬਰਾਂ, ਰਿਸ਼ਤੇਦਾਰਾਂ, ਜਾਂ ਮਹਿਮਾਨਾਂ ਦੁਆਰਾ।
• ਸਕੂਲ: ਅਧਿਆਪਕਾਂ, ਸਟਾਫ਼, ਜਾਂ ਹੋਰ ਵਿਦਿਆਰਥੀਆਂ ਦੁਆਰਾ।
• ਭਾਈਚਾਰਾ: ਗੁਆਂਢੀਆਂ, ਦੋਸਤਾਂ ਜਾਂ ਜਾਣ-ਪਛਾਣ ਵਾਲਿਆਂ ਦੁਆਰਾ।
• ਔਨਲਾਈਨ: ਸੋਸ਼ਲ ਮੀਡੀਆ, ਮੈਸੇਜਿੰਗ ਐਪਾਂ, ਜਾਂ ਔਨਲਾਈਨ ਗੇਮਾਂ ਰਾਹੀਂ।

ਬਾਲ ਜਿਨਸੀ ਸ਼ੋਸ਼ਣ ਨੂੰ ਪਛਾਣਨਾ

ਬਾਲ ਜਿਨਸੀ ਸ਼ੋਸ਼ਣ ਨੂੰ ਪਛਾਣਨਾ ਔਖਾ ਹੋ ਸਕਦਾ ਹੈ, ਪਰ ਇਸਦੇ ਕੁੱਝ ਲੱਛਣਾਂ ਵਿੱਚ ਇਹ ਸ਼ਾਮਿਲ ਹਨ:

• ਵਿਵਹਾਰ ਜਾਂ ਮਿਜ਼ਾਜ਼ ਵਿੱਚ ਅਚਾਨਕ ਬਦਲਾਅ ਹੋਣਾ।
• ਬੇਵਜ੍ਹਾ ਸੱਟਾਂ ਜਾਂ ਲਾਗਾਂ ਲੱਗਣੀਆਂ।
• ਕੁੱਝ ਖ਼ਾਸ ਲੋਕਾਂ ਜਾਂ ਥਾਵਾਂ ਤੋਂ ਡਰਨਾ।
• ਕਾਮੁਕ ਗਿਆਨ ਜਾਂ ਵਿਵਹਾਰ ਜੋ ਉਨ੍ਹਾਂ ਦੀ ਉਮਰ ਮੁਤਾਬਿਕ ਢੁੱਕਵਾਂ ਨਹੀਂ ਹੈ।
• ਦੋਸਤਾਂ ਜਾਂ ਉਨ੍ਹਾਂ ਗਤੀਵਿਧੀਆਂ ਤੋਂ ਪਿੱਛੇ ਹੱਟਣਾ ਜੋ ਉਹ ਪਹਿਲਾਂ ਪਸੰਦ ਕਰਦੇ ਸਨ।

ਆਪਣੇ ਬੱਚੇ ਨੂੰ ਸੁਰੱਖਿਅਤ ਰੱਖਣਾ

ਜੇਕਰ ਤੁਹਾਨੂੰ ਸ਼ੱਕ ਹੈ ਕਿ ਕਿਸੇ ਬੱਚੇ ਦਾ ਜਿਨਸੀ ਸ਼ੋਸ਼ਣ ਕੀਤਾ ਜਾ ਰਿਹਾ ਹੈ, ਤਾਂ ਇੱਥੇ ਕੁੱਝ ਕਦਮ ਹਨ ਜੋ ਤੁਸੀਂ ਉਹਨਾਂ ਨੂੰ ਸੁਰੱਖਿਅਤ ਰੱਖਣ ਵਿੱਚ ਮੱਦਦ ਕਰਨ ਲਈ ਚੁੱਕ ਸਕਦੇ ਹੋ:

• ਆਪਣੇ ਬੱਚੇ ਨਾਲ ਗੱਲ ਕਰੋ: ਖੁੱਲ੍ਹੇ ਤਰੀਕੇ ਨਾਲ ਗੱਲਬਾਤ ਨੂੰ ਉਤਸ਼ਾਹਿਤ ਕਰੋ ਅਤੇ ਉਹਨਾਂ ਨੂੰ ਦੱਸੋ ਕਿ ਉਹ ਤੁਹਾਡੇ ਨਾਲ ਕਿਸੇ ਵੀ ਚੀਜ਼ ਬਾਰੇ ਗੱਲ ਕਰ ਸਕਦੇ ਹਨ।
• ਸਿੱਖਿਅਤ ਕਰੋ: ਆਪਣੇ ਬੱਚੇ ਨੂੰ ਉਸਦੇ ਸਰੀਰ ਅਤੇ ਹੱਦਾਂ ਦੀ ਮਹੱਤਤਾ ਬਾਰੇ ਸਿਖਾਓ।
• ਔਨਲਾਈਨ ਗਤੀਵਿਧੀ 'ਤੇ ਨਜ਼ਰ ਰੱਖੋ: ਆਪਣੇ ਬੱਚੇ ਦੇ ਔਨਲਾਈਨ ਸੰਪਰਕਾਂ 'ਤੇ ਨਜ਼ਰ ਰੱਖੋ ਅਤੇ ਉਹਨਾਂ ਨੂੰ ਔਨਲਾਈਨ ਸੁਰੱਖਿਆ ਬਾਰੇ ਸਿੱਖਿਅਤ ਕਰੋ।
• ਲੱਛਣਾਂ ਨੂੰ ਜਾਣੋ: ਸ਼ੋਸ਼ਣ ਦੇ ਲੱਛਣਾਂ ਤੋਂ ਸੁਚੇਤ ਰਹੋ ਅਤੇ ਆਪਣੇ ਮਨ ਦੀ ਆਵਾਜ਼ 'ਤੇ ਭਰੋਸਾ ਕਰੋ।
• ਇਸਦੀ ਰਿਪੋਰਟ ਕਰੋ: ਜੇਕਰ ਤੁਹਾਨੂੰ ਸ਼ੋਸ਼ਣ ਹੁੰਦੇ ਹੋਣ ਦਾ ਸ਼ੱਕ ਹੈ, ਤਾਂ ਤੁਰੰਤ ਅਧਿਕਾਰੀਆਂ ਨੂੰ ਇਸ ਦੀ ਰਿਪੋਰਟ ਕਰੋ।

ਸਹਾਇਤਾ ਪ੍ਰਾਪਤ ਕਰਨਾ

ਜੇਕਰ ਤੁਹਾਡਾ ਕੋਈ ਜਾਣਕਾਰ ਬੱਚਾ ਸ਼ੋਸ਼ਣ ਦਾ ਅਨੁਭਵ ਕਰ ਰਿਹਾ ਹੈ, ਤਾਂ ਮੱਦਦ ਪ੍ਰਾਪਤ ਕਰਨਾ ਮਹੱਤਵਪੂਰਨ ਹੈ। ਤੁਹਾਡੀ ਅਤੇ ਉਸ ਬੱਚੇ ਦੀ ਸਹਾਇਤਾ ਅਤੇ ਸੁਰੱਖਿਆ ਲਈ ਸੇਵਾਵਾਂ ਅਤੇ ਸਰੋਤ ਉਪਲਬਧ ਹਨ।

ਬਾਲ ਸੁਰੱਖਿਆ ਸੇਵਾਵਾਂ: ਆਸਟ੍ਰੇਲੀਆ ਦੇ ਹਰੇਕ ਰਾਜ ਅਤੇ ਟੈਰਟਰੀ ਵਿੱਚ ਬਾਲ ਸੁਰੱਖਿਆ ਏਜੰਸੀਆਂ ਹਨ ਜੋ ਬਾਲ ਸ਼ੋਸ਼ਣ ਦੀਆਂ ਰਿਪੋਰਟਾਂ ਦੀ ਕਰਦੀਆਂ ਹਨ।

Kids Helpline: 5 ਤੋਂ 25 ਸਾਲ ਦੀ ਉਮਰ ਦੇ ਯੁਵਕਾਂ ਲਈ ਗੁਪਤ ਸਲਾਹ ਅਤੇ ਕਾਊਂਸਲਿੰਗ ਲਈ 1800 551 800 'ਤੇ ਫ਼ੋਨ ਕਰੋ।

Australian Federal Police: 131 237 'ਤੇ ਫ਼ੋਨ ਕਰੋ ਜਾਂ ਉਨ੍ਹਾਂ ਦੀ ਵੈੱਬਸਾਈਟ 'ਤੇ ਜਾਓ।

ਲੀਗਲ ਏਡ ਸਰਵਿਸਜ਼: ਮੁਫ਼ਤ ਕਾਨੂੰਨੀ ਸਲਾਹ ਅਤੇ ਸਹਾਇਤਾ ਦੀ ਪੇਸ਼ਕਸ਼ ਕਰਦੀਆਂ ਹਨ। ਉਹ ਤੁਹਾਨੂੰ ਤੁਹਾਡੇ ਅਧਿਕਾਰਾਂ ਬਾਰੇ ਦੱਸ ਸਕਦੇ ਹਨ ਅਤੇ ਕਾਨੂੰਨੀ ਮਸਲਿਆਂ ਵਿੱਚ ਤੁਹਾਡੀ ਮੱਦਦ ਕਰ ਸਕਦੇ ਹਨ। ਤੁਸੀਂ ਇੱਥੇ ਆਪਣੇ ਰਾਜ ਜਾਂ ਟੈਰੀਟਰੀ ਵਿਚਲੀ ਲੀਗਲ ਏਡ ਸੇਵਾ ਲਈ ਸੰਪਰਕ ਕਰ ਸਕਦੇ ਹੋ।

ਵਧੇਰੇ ਜਾਣਕਾਰੀ ਅਤੇ ਸਹਾਇਤਾ ਲਈ, ਸਾਡੇ ਸਹਾਇਤਾ ਸੇਵਾਵਾਂ ਪੰਨੇ 'ਤੇ ਜਾਓ।