ਔਰਤਾਂ ਦੇ ਜਣਨ ਅੰਗਾਂ ਦਾ ਖਤਨਾ ਕਰਨਾ ਅਤੇ ਕੱਟਣਾ (FGM/C) ਕੀ ਹੁੰਦਾ ਹੈ?
FGM/C ਉਦੋਂ ਹੁੰਦਾ ਹੈ ਜਦੋਂ ਮਾਦਾ ਜਣਨ ਅੰਗਾਂ ਦੇ ਹਿੱਸਿਆਂ ਨੂੰ ਬਗ਼ੈਰ ਕਿਸੇ ਮੈਡੀਕਲ ਕਾਰਨ ਕੱਟਿਆ ਜਾਂ ਬਦਲਿਆ ਜਾਂਦਾ ਹੈ। ਇਹ ਲਿੰਗ-ਆਧਾਰਿਤ ਹਿੰਸਾ ਦਾ ਹੀ ਇੱਕ ਰੂਪ ਹੈ ਅਤੇ ਮਨੁੱਖੀ ਅਧਿਕਾਰਾਂ ਦੀ ਗੰਭੀਰ ਉਲੰਘਣਾ ਹੈ।
FGM/C ਨੂੰ ਇਨ੍ਹਾਂ ਨਾਵਾਂ ਨਾਲ ਵੀ ਜਾਣਿਆ ਜਾਂਦਾ ਹੈ:
ਆਸਟ੍ਰੇਲੀਆ ਵਿੱਚ FGM/C
ਆਸਟ੍ਰੇਲੀਆ ਵਿੱਚ FGM/C ਗ਼ੈਰਕਾਨੂੰਨੀ ਹੈ, ਪਰ ਇੱਥੇ 50,000 ਤੋਂ ਵੱਧ ਔਰਤਾਂ ਅਤੇ ਕੁੜੀਆਂ ਹਨ ਜਿਨ੍ਹਾਂ ਨੇ ਸ਼ਾਇਦ ਇਸਦਾ ਅਨੁਭਵ ਕੀਤਾ ਹੈ। ਇਹ ਰਿਵਾਜ ਕਿਸੇ ਵੀ ਸੱਭਿਆਚਾਰਕ ਜਾਂ ਆਰਥਿਕ ਸਮੂਹ ਵਿੱਚ ਹੋ ਸਕਦਾ ਹੈ ਅਤੇ ਇੱਕ ਵਿਸ਼ਵਵਿਆਪੀ ਮੁੱਦਾ ਹੈ। ਦੁਨੀਆ ਭਰ ਵਿੱਚ 200 ਮਿਲੀਅਨ ਤੋਂ ਵੱਧ ਔਰਤਾਂ FGM/C ਵਿੱਚੋਂ ਗੁਜ਼ਰ ਚੁੱਕੀਆਂ ਹਨ।
FGM/C ਕਦੋਂ ਵਾਪਰਦਾ ਹੈ?
FGM/C ਅਕਸਰ 0 ਤੋਂ 15 ਸਾਲ ਦੀ ਉਮਰ ਦੀਆਂ ਕੁੜੀਆਂ ਦਾ ਕੀਤਾ ਜਾਂਦਾ ਹੈ, ਪਰ ਇਹ ਪਹਿਲੀ ਗਰਭ-ਅਵਸਥਾ ਦੌਰਾਨ ਵੀ ਹੋ ਸਕਦਾ ਹੈ।
FGM/C ਬਾਰੇ ਗ਼ਲਤ-ਧਾਰਨਾਵਾਂ ਅਤੇ ਸੱਚਾਈਆਂ
ਕੁੱਝ ਲੋਕ ਮੰਨਦੇ ਹਨ ਕਿ FGM/C ਦੇ ਬਿਹਤਰ ਸਵੱਛਤਾ, ਜਣਨ ਸ਼ਕਤੀ ਅਤੇ ਬੱਚੇ ਦੇ ਜੀਵਤ ਰਹਿਣ ਵਰਗੇ ਫ਼ਾਇਦੇ ਹਨ। ਹਾਲਾਂਕਿ, World Health Organization ਦਾ ਕਹਿਣਾ ਹੈ ਕਿ FGM/C ਔਰਤਾਂ ਅਤੇ ਲੜਕੀਆਂ ਨੂੰ ਸਿਰਫ਼ ਨੁਕਸਾਨ ਹੀ ਪਹੁੰਚਾਉਂਦਾ ਹੈ।
ਜੋ ਔਰਤਾਂ ਅਤੇ ਲੜਕੀਆਂ FGM/C ਦਾ ਸ਼ਿਕਾਰ ਹੋਈਆਂ ਹਨ, ਉਹ ਇਹ ਅਨੁਭਵ ਕਰ ਸਕਦੀਆਂ ਹਨ:
ਸਹਾਇਤਾ ਪ੍ਰਾਪਤ ਕਰਨਾ
ਜੇਕਰ ਤੁਸੀਂ ਜਾਂ ਤੁਹਾਡੇ ਕਿਸੇ ਜਾਣਕਾਰ ਨੇ FGM/C ਦਾ ਅਨੁਭਵ ਕੀਤਾ ਹੈ, ਤਾਂ ਮੱਦਦ ਉਪਲਬਧ ਹੈ। National Education Toolkit for Female Genital Mutilation/Cutting Awareness ਕੋਲ ਤੁਹਾਡੀ ਭਾਸ਼ਾ ਵਿੱਚ ਸਰੋਤ ਉਪਲਬਧ ਹਨ।
ਜੇਕਰ ਤੁਹਾਨੂੰ ਮੱਦਦ ਦੀ ਲੋੜ ਹੈ ਅਤੇ ਇਹ ਕੋਈ ਐਮਰਜੈਂਸੀ ਨਹੀਂ ਹੈ, ਤਾਂ ਸਾਡੇ ਸਹਾਇਤਾ ਸੇਵਾਵਾਂ ਪੰਨੇ 'ਤੇ ਜਾਓ। ਉਹ ਸਹਾਇਤਾ ਪ੍ਰਦਾਨ ਅਤੇ ਮਾਰਗਦਰਸ਼ਨ ਕਰ ਸਕਦੇ ਹਨ।
ਚੇਤੇ ਰੱਖੋ, ਤੁਸੀਂ ਇਕੱਲੇ ਨਹੀਂ ਹੋ, ਅਤੇ ਮੱਦਦ ਉਪਲਬਧ ਹੈ।
