ਬਾਲ ਸ਼ੋਸ਼ਣ ਕੀ ਹੁੰਦਾ ਹੈ?
ਬਾਲ ਸ਼ੋਸ਼ਣ ਕੋਈ ਵੀ ਉਹ ਕੰਮ ਹੁੰਦਾ ਹੈ ਜੋ ਕਿਸੇ ਬੱਚੇ ਜਾਂ ਯੁਵਕ ਨੂੰ ਨੁਕਸਾਨ ਪਹੁੰਚਾਉਂਦਾ ਹੈ। ਇਹ ਮਕਸਦ ਤਹਿਤ (ਜਾਣਬੁੱਝ ਕੇ) ਜਾਂ ਉਹਨਾਂ ਦੀ ਸਹੀ ਢੰਗ ਨਾਲ ਦੇਖਭਾਲ ਨਾ ਕਰਕੇ (ਅਣਜਾਣੇ ਵਿਚ) ਵਿੱਚ ਕੀਤਾ ਜਾ ਸਕਦਾ ਹੈ। ਸ਼ੋਸ਼ਣ ਕਰਨ ਵਾਲਾ ਵਿਅਕਤੀ ਮਾਪੇ, ਸਰਪ੍ਰਸਤ, ਦੇਖਭਾਲ ਕਰਨ ਵਾਲੇ, ਹੋਰ ਬਾਲਗ, ਜਾਂ ਵੱਡੀ ਉਮਰ ਦੇ ਯੁਵਕ ਹੋ ਸਕਦੇ ਹਨ।
ਆਸਟ੍ਰੇਲੀਆ ਵਿੱਚ ਬਾਲ ਸ਼ੋਸ਼ਣ ਇੱਕ ਅਪਰਾਧ ਹੈ ਅਤੇ ਇਸਨੂੰ ਘਰੇਲੂ ਅਤੇ ਪਰਿਵਾਰਕ ਹਿੰਸਾ ਦਾ ਇੱਕ ਰੂਪ ਮੰਨਿਆ ਜਾਂਦਾ ਹੈ। ਇਹ ਪਛਾਣਨਾ ਮਹੱਤਵਪੂਰਨ ਹੈ ਕਿ ਬਾਲ ਸ਼ੋਸ਼ਣ ਅਕਸਰ ਲੁਕਿਆ ਹੁੰਦਾ ਹੈ, ਅਤੇ ਪ੍ਰਭਾਵਿਤ ਬੱਚੇ ਡਰ, ਦੋਸ਼ੀਪਣ ਦੀ ਭਾਵਨਾ ਜਾਂ ਸ਼ਰਮਿੰਦਗੀ ਮਹਿਸੂਸ ਕਰ ਸਕਦੇ ਹਨ ਜੋ ਉਹਨਾਂ ਨੂੰ ਕਿਸੇ ਨੂੰ ਇਸ ਬਾਰੇ ਦੱਸਣ ਤੋਂ ਰੋਕਦਾ ਹੈ।
ਆਸਟ੍ਰੇਲੀਆ ਵਿੱਚ:
ਬਾਲ ਸ਼ੋਸ਼ਣ ਦੇ ਕਈ ਰੂਪ ਹੋ ਸਕਦੇ ਹਨ:
ਬਾਲ ਸ਼ੋਸ਼ਣ ਹੋਣਾ ਕਿੰਨਾ ਕੁ ਆਮ ਹੈ?
ਬਾਲ ਸ਼ੋਸ਼ਣ ਬਹੁਤ ਸਾਰੇ ਲੋਕਾਂ ਦੇ ਸੋਚਣ ਨਾਲੋਂ ਵਧੇਰੇ ਆਮ ਹੈ। Australian Bureau of Statistics ਦੇ ਅਨੁਸਾਰ, ਆਸਟ੍ਰੇਲੀਆ ਵਿੱਚ, ਅੰਦਾਜ਼ਨ 14% ਬਾਲਗਾਂ ਨੇ 2021-22 ਵਿੱਚ ਬਾਲ ਸ਼ੋਸ਼ਣ ਦਾ ਅਨੁਭਵ ਕੀਤਾ।
ਬਾਲ ਸ਼ੋਸ਼ਣ ਹੁੰਦੇ ਹੋਣ ਦੀ ਪਛਾਣ ਕਰਨਾ
ਬਾਲ ਸ਼ੋਸ਼ਣ ਹੁੰਦੇ ਹੋਣ ਦੀ ਪਛਾਣ ਕਰਨਾ ਅਤੇ ਇਸਦਾ ਹੱਲ ਕਰਨਾ ਗੁੰਝਲਦਾਰ ਹੋ ਸਕਦਾ ਹੈ, ਪਰ ਇਸ ਦੀਆਂ ਕੁੱਝ ਨਿਸ਼ਾਨੀਆਂ ਵਿੱਚ ਇਹ ਸ਼ਾਮਿਲ ਹਨ:
ਸਹਾਇਤਾ ਪ੍ਰਾਪਤ ਕਰਨਾ
ਜੇਕਰ ਤੁਹਾਨੂੰ ਸ਼ੱਕ ਹੈ ਕਿ ਕਿਸੇ ਬੱਚੇ ਨਾਲ ਸ਼ੋਸ਼ਣ ਕੀਤਾ ਜਾ ਰਿਹਾ ਹੈ, ਤਾਂ ਮੱਦਦ ਪ੍ਰਾਪਤ ਕਰਨਾ ਮਹੱਤਵਪੂਰਨ ਹੈ। ਬੱਚਿਆਂ ਦੀ ਸਹਾਇਤਾ ਅਤੇ ਸੁਰੱਖਿਆ ਲਈ ਸੇਵਾਵਾਂ ਅਤੇ ਸਰੋਤ ਉਪਲਬਧ ਹਨ।
ਬਾਲ ਸੁਰੱਖਿਆ ਸੇਵਾਵਾਂ: ਆਸਟ੍ਰੇਲੀਆ ਦੇ ਹਰੇਕ ਰਾਜ ਅਤੇ ਟੈਰਟਰੀ ਵਿੱਚ ਇੱਕ ਬਾਲ ਸੁਰੱਖਿਆ ਏਜੰਸੀ ਹੈ ਜੋ ਬਾਲ ਸ਼ੋਸ਼ਣ ਦੀਆਂ ਰਿਪੋਰਟਾਂ ਦੀ ਜਾਂਚ ਕਰਦੀ ਹੈ ਅਤੇ ਬੱਚਿਆਂ ਅਤੇ ਪਰਿਵਾਰਾਂ ਨੂੰ ਸਹਾਇਤਾ ਪ੍ਰਦਾਨ ਕਰਦੀ ਹੈ।
Kids Helpline: 5 ਤੋਂ 25 ਸਾਲ ਦੀ ਉਮਰ ਦੇ ਯੁਵਕਾਂ ਲਈ ਗੁਪਤ ਸਲਾਹ ਅਤੇ ਕਾਊਂਸਲਿੰਗ ਲਈ 1800 551 800 'ਤੇ ਫ਼ੋਨ ਕਰੋ।
ਸਥਾਨਕ ਭਾਈਚਾਰਕ ਸੇਵਾਵਾਂ: ਬਹੁਤ ਸਾਰੀਆਂ ਸਥਾਨਕ ਸੰਸਥਾਵਾਂ ਸ਼ੋਸ਼ਣ ਨਾਲ ਜੂਝ ਰਹੇ ਬੱਚਿਆਂ ਅਤੇ ਪਰਿਵਾਰਾਂ ਲਈ ਸਹਾਇਤਾ ਅਤੇ ਸਰੋਤ ਪੇਸ਼ ਕਰਦੀਆਂ ਹਨ।
ਕਾਊਂਸਲਿੰਗ ਸੇਵਾਵਾਂ: ਪੇਸ਼ੇਵਰ ਕਾਊਂਸਲਰ ਬੱਚਿਆਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਲਈ ਭਾਵਨਾਤਮਕ ਸਹਾਇਤਾ ਅਤੇ ਵਿਹਾਰਕ ਸਲਾਹ ਦੇ ਸਕਦੇ ਹਨ।
ਵਧੇਰੇ ਜਾਣਕਾਰੀ ਅਤੇ ਸਹਾਇਤਾ ਲਈ, ਸਾਡੇ ਸਹਾਇਤਾ ਸੇਵਾਵਾਂ ਪੰਨੇ 'ਤੇ ਜਾਓ।
